കുട്ടായിക്ക് പതിവ് പോലെ ഇന്നും ഉറക്കം വിട്ടു കിടക്ക പായയില് നിന്ന് എഴുന്നെല്കാന് ഭയങ്കര മടി
അമ്മ ഇതിനിടയില് രണ്ടു തവണ കുട്ടായിയെ വന്നു വിളിചെഴുന്നെല്പിച്ചു, പപ്പാ ഒരു തവണയും എന്നിട്ടും കുട്ടായി കിടന്നു ഉറങ്ങുവാണ്, അമ്മയുടെ രണ്ടാമത്തെ വിളി കഴിഞ്ഞപ്പോള് അതിനോട് പ്രതികരിക്കനെന്നോണം കുട്ടായി കിടപ്പിന്റെ രീതി ഒന്ന് മാറ്റി
ഇപ്പോള് കുട്ടായി ഉടെ കിടപ്പ്, കമന്നു കിടന്നു, കാലു രണ്ടും മടക്കി തന്റെ പ്രിഷ്ടത്തില് മുട്ടിച്ചു, പ്രിഷ്ടം ഒരല്പം ഉയര്ത്തി, നമ്മുടെ തന്മാത്രയില് മോഹന്ലാല് കിടക്കുന്നത് പോലെ ആണ് .
അങ്ങനെ കിടന്നും കുട്ടായി അറിയാതെ ഉറങ്ങി പോയി. പൊതുവേ അമ്മക്ക് ദേഷ്യം കൂടുതല് ആണെന്ന് ആണ് കുട്ടായി ഉടെ കണ്ടു പിടിത്തം, അങ്ങനെ ഉള്ള അമ്മ മൂനാമത്തെ തവണ കുട്ടയിയെ വിളിക്കാന് വന്നത്, കുട്ടായിയുടെ പപ്പാ ഷീറ്റ് പുകയത് ഇടാന് ഉപയോഗിക്കുന്ന നീളമുള്ള ഈറ്റ കമ്പും കൊണ്ടായിരുന്നു. അങ്ങനെ കലി തുള്ളി വരുമ്പോളാണ് അടി കൊള്ളാന് പാകത്തില് കുട്ടായി തന്റെ പ്രിഷ്ടം പോക്കിവചിരിക്കുന്നത് അമ്മ കണ്ടത്. ...........ട്ടേ...........അമ്മക്ക് നല്ല ഉന്നം..
പിന്നെ നടന്നത് എല്ലാം ഒരു പുക മറ പോലെ മാത്രമേ കുട്ടായിക്ക് ഓര്മ്മ ഉള്ളൂ അങ്ങനെ അഭിമാനത്തിനും, ഉറക്കത്തിനും പിന്നെ പിന്നാമ്പുരത്തിനും ക്ഷതം ഏറ്റ കുട്ടായി സ്കൂളില് എത്തുന്നത് വരെ അറിയാതെ പിന്നാമ്പുറം തടവുന്നുണ്ടായിരുന്നു .. ഇനി നടന്ന സംഭവങ്ങള് ഒര്കണമെങ്കില് കുട്ടായി തിരിച്ചു വീട്ടില് എത്തണം. ക്ലാസ്സില് കുട്ടായിക്ക് ഓര്കാനും പ്രവര്ത്തിക്കാനും വേറെ ഒരു പാട് കാര്യങ്ങള് ഉണ്ട്
കുട്ടായി ഇപ്പോള് രണ്ടാം ക്ലാസ്സിന്റെ ആദ്യത്തെ ബെഞ്ചില് ആദ്യത്തെ ആളായി നില ഉറപ്പിച്ചു.. ശരിക്കും മാന്യന്.... ഒരു പകല് മാന്യന് ...
ടീച്ചറിന്റെ മേശയില് വടിയും, ബോര്ഡ് തുടക്കാന് ഉള്ള സ്പോഞ്ചും, ചോക്കും ഒകെ ഉണ്ടോ എന്ന് നോക്കണ്ട ഉത്തരവാദിത്തവും ഈ കുട്ടയില് നിക്ഷിപ്തം ആണ്. ആ കൊച്ചു ക്ലാസിലെ വലിയ നേതാവാണ് കുട്ടായി. കുബുദ്ധിക്കാരന് ആയ കുട്ടായിക്ക് സഹാപാടികല്ക് അടി വാങ്ങിച്ചു കൊടുക്കുന്നതും ഒരു വിനോദം ആയിരുന്നു അങ്ങനെ പതിവ് മേല്നോട്ടവും പരിശോധനയും ഒകെ കഴിഞ്ഞു കുട്ടായി തന്റെ സ്ഥലത്ത് വന്നു ഉപവിഷ്ടനായി പതിയെ ആര്കെങ്ങിലും തല്ലു വാങ്ങി കൊടുക്കാന് ഉണ്ടോ എന്ന് ഇങ്ങനെ സാകൂതം വീക്ഷിച്ചു..
പാവങ്ങള് ഇന്ന് ഒന്നിനും വിധി ഇല്ല. കുട്ടായി പൊതുവേ ഒരു മൊട്ടായി കൊതിയന് ആയതു കൊണ്ട് പിന്നീടെ ആരുടെ എങ്കിലും കയ്യില് മൊട്ടായി ഉണ്ടോ എന്നായി നോട്ടം. പാവം കുട്ടായി ഇന്ന് മോട്ടയിക്കുള്ള വിധി കുട്ടായിക്കും ഇല്ല .. അങ്ങനെ നിരാശ പെട്ട് തന്റെ കായുടെ മറുപുറം കൊണ്ട് മൂക്കും മുഖവും അലസമായി ഒന്ന് തടവി, കുട്ടായി തന്റെ ബോക്സ് തുറന്നു എഴുതാന് ഉള്ള പെന്സിലും മായിക്കാന് ഉള്ള റബ്ബറും വെളിയില് എടുത്തു. അപ്പോളാണ് കുട്ടായിക്ക് അടുത്ത സംശയം,, ഇന്ന് ഇതിലും വലിയ പെന്സില് ആരെങ്കിലും കൊണ്ടുവന്നിട്ടുണ്ടോ ?? അതും ഒന്ന് നിരീക്ഷിക്കുക തന്നെ, .. അങ്ങനെ നിരീക്ഷിക്കുമ്പോള് ആണ് ടോമിന്റെ കയില് ഇരിക്കുന്ന, ഞെക്കുമ്പോള് ഞൊട്ട പൊട്ടുന്നത് പോലെ ശബ്ദം കേള്കുന്ന, (ഞങ്ങള് അതിനെ ഞൊട്ട എന്ന് വിളിക്കും) ആ സാധനം കുട്ടായിയുടെ കണ്ണില് പെട്ടത്. അതിന്റെ പുതുമ കുട്ടായിക്ക് നന്നേ ബോധിച്ചു..
ഈ ഒരു സാധനം കാരണം എല്ലാവരുടേം ശ്രദ്ധ ഇന്ന് ടോമിലേക്ക് തിരിയുന്നത് കുട്ടായിക്ക് ഒര്കാന് കൂടി വയ്യ,,,
അസൂയയുടെ വിത്തുകള്ക് കുട്ടായിയുടെ മനസ്സില് വേര് കിളുത്തു..
കുട്ടയിയിലെ കുശുമ്പ് അതിനു ആവിശ്യത്തിന് വെള്ളവും വളവും കോരി ..
കുട്ടായി ഞെളിപിരി കൊണ്ടു അത് എങ്ങനെ എങ്കിലും സ്വന്തം ആകുക തന്നെ..
കുട്ടായി തല പുകഞ്ഞു ആലോചിച്ചു .. സൂത്രങ്ങല്കാണോ കുട്ടായിയുടെ അടുത്ത് പഞ്ഞം .. !!
കുബുദ്ധികള് കുട്ടായിയുടെ മനസ്സില് കൂത്താടികളെ പോലെ കുതിച്ചു ചാടി ..കുട്ടായി ഒടുക്കം തന്ത്രം മെനഞ്ഞു ..
വളരെ ഒതുക്കത്തില് ഉള്ള ഒരു തന്ത്രം.. ടീച്ചര് ക്ലാസ്സില് വരുന്നതിനു തൊട്ടു മുന്പ് കുട്ടായി ടോമിനോട് ഈ ഞൊട്ട നോക്കാന് ചോദിച്ചു .. ടീച്ചര് ക്ലാസ്സില് വരുന്നത് വരെ ഒതുക്കത്തില് ഇത് നോക്കി കൊണ്ടു നില്കുക,, ടീച്ചര് വരുന്നത് കാണുമ്പോലെ ടോമിനെയും, ഞൊട്ട യെയും രക്ഷിക്കാനെന്ന വ്യാജേന ഞൊട്ട ഒളിപ്പിക്കുക.. ഒടുക്കം ടീച്ചര് പൊയ് കഴിയുമ്പോള് അത് കാണുന്നില്ല എന്ന് ടോമിനോട് പറയുക .. നല്ല ഒന്നാം ക്ലാസ്സ് തന്ത്രം ..
സംഭവം കുട്ടായി വിചാരിച്ചത് പോലെ നടന്നു .. ഞൊട്ട ചോദിച്ചു വന്ന ടോമിനെ ടീച്ചറോട് പറയും എന്ന് ഭീഷണി പെടുത്തി . . പക്ഷെ വീണ്ടും ഒരു പ്രശ്നം.. ഇതുമായി വീട്ടിലോട്ടു വെറുതെ അങ്ങ് കേറി ചെല്ലാന് പറ്റില്ല .. അപ്പോള് തുടങ്ങും ചോദ്യങ്ങളുടെ പെരുമഴ.. വീട്ടിലെ തന്റെ സ്വാതന്ത്രം ഇല്ലായ്മ കുട്ടയിയെ പലപ്പോഴും വിഷമിപിച്ചിരുന്നു .. എന്തിനും ഏതിനും വീട്ടുകാരെ കാരണം ബോധിപ്പിക്കണം.. കളിയ്ക്കാന് പോനെങ്കില് കാരണം, ഷര്ട്ടില് ചെളി പറ്റിയാല് അതിനും കാരണം .......
ടോമിനെ പറ്റിച്ചത് പോലെ അത്ര എളുപ്പത്തില് വീട്ടുകാരെ പറ്റിക്കാന് പറ്റില്ല എന്നറിയാമായിരുന്നു കുട്ടയിക്. അത് കൊണ്ടു കുറച്ചു ശക്തമായ തന്ത്രം വേണം മെനയാന്. സ്കൂള് വിട്ടു വരുന്ന വഴി മൊത്തം കുട്ടായി തന്ത്രങ്ങല്കായി ആലോചിച്ചു..
ഇത്തവണ കുബുദ്ധി കൂത്താടിയെ പോലെ ചാടിയില്ല.. വെറുതെ ഇഴഞ്ഞു ഇഴഞ്ഞു ആണ് വരുന്നത് .. എങ്കിലും ഒടുക്കം മെനഞ്ഞു നല്ല ഒന്നാംതരം ഒന്നാം ക്ലാസ്സ് തന്ത്രം ..
അമ്പലത്തില് ഉത്സവം നടക്കുന്ന കാലം. കുട്ടായിയുടെ വീടിന്റെ മുന്പില് കൂടി ഒരു പാട് പേര് ഉത്സവം കാണാന് പോകുരുണ്ട്. ഇതേ വഴിയില് കൂടി ആണ് വീടിന്റെ മുന്പില് കൂടി ഒഴുകുന്ന തോട്ടില് കുട്ടായി വൈകുന്നേരങ്ങളില് കുളിക്കാന് പൊയ്കൊണ്ടിരുന്നതും .. കുട്ടായിയുടെ തന്ത്രം ഇതാണ്.. വഴിയുടെ സൈഡില് ഞൊട്ട ഒളിപ്പിക്കുക.. കുളിക്കാന് വരുമ്പോള് ആരോ അമ്പലത്തില് പോയവരുടെ കയ്യില് നിന്ന് വീണു പോയതാണ് എന്ന് പറഞ്ഞു സാധനം വീട്ടില് അവതരിപ്പിക്കുക.. തന്ത്രം ഭലിക്കതിരിക്കാന് ഒരു സാധ്യധയും കുട്ടായി കണ്ടില്ല ..
ഇത്തവണ വീട്ടുകാര് തോറ്റത് തന്നെ. സാധാരണ അങ്ങനെ അല്ലെങ്കിലും ..കുട്ടായി മനസ്സില് ഉറപ്പിച്ചു .. തന്ത്രം മെനയുന്ന തിരക്കില് രാവിലത്തെ അടിയും, വേദനയും, പരിഭവവും എല്ലാം കുട്ടായി മറന്നിരുന്നു. അമ്മയുടെ സ്നേഹവും പരിചരണവും ചോറ് ഉരുളകളായി വിഴുങ്ങുമ്പോഴും കുട്ടായിക്ക് മനസ്സില് ഞൊട്ട മാത്രം.. പോരാത്തതിനു വീട്ടുകാരെ പറ്റിക്കാന് പോകുന്നതിന്റെ ഒരു ഉത്സാഹവും .. ഒടുക്കം അത് സംഭവിക്കാന് പോവാന്,
പതിവിലും നേരത്തെ പതിവിലും ഉത്സാഹത്തോടെ കുട്ടായി കുളിക്കാന് പോവാണ്. പതിവിലും നേരത്തെ പതിവിലും ഉത്സാഹത്തോടെ കുളിച്ചു തീര്ന കുട്ടായി ഒളിപ്പിച്ചു വച്ച ഞൊട്ടയും ആയി വീട്ടിലോട്ടു ഓടി.. തന്ത്രങ്ങള് മേനയുന്നതിന്റെ ഇടയില് ഇത് പോലുള്ള ആവേശങ്ങള് കുറയ്ക്കുന്ന കാര്യത്തെ പറ്റി കുട്ടായി ഒരിക്കല് പോലും ആലോചിച്ചില്ല . എങ്ങനെ ആലോചിക്കാന് കുട്ടായി രണ്ടില് പഠിക്കുന്ന കൊച്ചു പയ്യന് അല്ലെ .... !!!!
പതിവിലും നേരത്തെ പതിവിലും ഉത്സാഹത്തോടെ പതിവില്ലാത്ത ഒരു സാധനവും ആയി വന്ന കുട്ടയിയെ വീട്ടുകാര്ക് ഡൌട്ട് അടിച്ചു .. അമ്മ കുട്ടയിയെ പതിയെ അടുത്ത് വിളിച്ചു. "എന്താ മോനെ കയ്യില്"
കയ്യിലിരുന്ന ഞൊട്ട ഞെക്കി കാണിച്ചു കൊണ്ടു കുട്ടായി ഒറ്റ ശ്വാസത്തില് പറഞ്ഞു " ഞൊട്ട ,, എനിക്ക് വഴീല് കിടന്നു കിട്ടീത,, ആരോ അമ്പലത്തില് പോയവര് ഇട്ടിട്ടു പോയതാ "
ഒറ്റ ശ്വാസത്തില് ഉള്ള വിവരണവും നിസ്സംശയം ഉള്ള പ്രഖ്യാപനങ്ങളും വീട്ടുകാരെ വീണ്ടും ആലോസര പെടുത്തി ..
അമ്മ പറഞ്ഞു "സത്യം പറയട ഇത് എവിടുന്നാ ??????"
എന്തോ പന്തികേട് കുട്ടയിക്കും മണത്തു എങ്കിലും നേരത്തെ പറഞ്ഞ ഉത്തരത്തില് തന്നെ കുട്ടായി ഉറച്ചു നിന്നു.. ഉടനെ അമ്മയുടെ മറു ചോദ്യം "അങ്ങനെ ആണെങ്കില് ഇത് ഇങ്ങനെ ഞെക്കിയാല് ഒച്ച വരും എന്ന് നീ എങ്ങനെ അറിഞ്ഞു.. "
കുട്ടായിയുടെ പ്ലാനിലും സ്ക്രിപ്ടിലും ഇല്ലാത്ത ചോദ്യം, കുട്ടായി തെല്ലൊന്നു പതറി. ഉത്തരത്തിനായി പരുതി.. ഉത്തരം കിട്ടാതെ ശങ്കിച്ച് നില്കുന്ന കുട്ടയിയെ നോക്കി പപ്പാ പറഞ്ഞു.. " നീ ചെന്ന് ആ മുല്ലെലെ ഒരു കമ്പ് വെട്ടികൊണ്ട് വാ " പപ്പാ വടി വെട്ടാന് പറഞ്ഞത് തന്നെ അടിക്കാന് ആണ് എന്ന് മനസിലായെങ്കിലും കുട്ടായി ആത്മവിശ്വാസം ചോരാതെ ഉത്തരത്തിനായി ആവേശത്തോടെ പരുതി പരുതി കിട്ടിയ ഉത്തരവും.. പാഴാകാന് പോകുന്ന വടിയും ആയി കുട്ടായി വീണ്ടും പപ്പയുടെ അടുതെത്തി ..
"പിള്ളേര് ഇത് ചെയുന്നത് ഞാന് കണ്ടിട്ടുണ്ട് " കുട്ടായി ഒരു കിതപ്പില് പറഞ്ഞു നിര്ത്തി.. ഉത്തരത്തില് തൃപ്തനായി പപ്പാ ഇപ്പോള് വടി വാങ്ങി ഓടിച്ചു കളയും എന്ന് കുട്ടായി ആശിച്ചു.. എന്നിട്ട് വേണം വെറുതെ തന്നെ സംശയിച്ച അമ്മയ്ക്കും രണ്ടു വഴക്ക് വാങ്ങി കൊടുക്കാന്.. .. എന്ത് പറയാന്........ വെറും വ്യാമോഹം .. പപ്പാ വടി വാങ്ങിയപ്പോള് കുട്ടായി ഓടിച്ചു കളയാനാണ് എന്ന് ആശിച്ചു എങ്കിലും,, വടി പിടിചിരികുന്നത് കണ്ടപ്പോള് അതല്ല എന്ന് മനസിലായി..
കയ്യില് വടിയും പിടിച്ചു പപ്പാ കുട്ടായിക്ക് ഒരു ഓഫര് കൊടുത്തു
"ഇപ്പോള് സത്യം പറഞ്ഞാല് നിന്നെ തല്ലില്ല .. പറ ഇതെവിടുന്ന കിട്ടിയത് " കുട്ടായി ഒരു നിമിഷം ആലോചിച്ചു നല്ല ഓഫര്.. എങ്കിലും സത്യം പറഞ്ഞാല് അടി ഉറപ്പാണ് .. മോഷണം അത് പൊറുക്കാനാവാത്ത തെറ്റ് ആണ് .. വേറെ എന്തെങ്കിലും പറഞ്ഞു അടിയില് നിന്നു ഒഴിവാകുക തന്നെ.. "ഇത് സ്കൂളിലെ പറമ്പില് കിടന്നു കിട്ടിയതാ " വിക്കി വിക്കി കുട്ടായി പറഞ്ഞു.. കുട്ടായി ഒന്ന് പാളി പപ്പയെ നോക്കി വിശ്വസിച്ചോ ആവോ .. ??
ഇല്ല അമ്പിനും വില്ലിനും അടുക്കുന്നില്ല "നീ ഇനീം കള്ളം പറഞ്ഞാല് അടിച്ചു നിന്റെ തുട ഞാന് പൊളിക്കും " ഇത്തവണ കുട്ടായിയുടെ ആത്മവിശ്വാസം അല്പം ഇടിഞ്ഞു .. അത് പുറത്തേക്കു ഒലിച്ചിറങ്ങാന് ഉള്ള എല്ലാ ആരംഭവും കാണിച്ചു തുടങ്ങി .. ഹൃദയം പെരുമ്പറ കൊട്ടി .. കായും കാലും വിറക്കുന്നു വിയര്കുന്നു .. പോരാത്തതിനു മറ്റു പല മുട്ടലുകളും ..
കുബുദ്ധികളും കുതന്ത്രങ്ങളും യഥേഷ്ടം വിഹരിച്ച കുട്ടായിയുടെ തലച്ചോറ് ഇപ്പോള് ശൂന്യം.. ഒന്നും ഇല്ല വെറും വട്ട പൂജ്യം .. "ബെഞ്ചിന്റെ അടിയില് കിടന്നു കിട്ടിയതാ." വിശ്വസിക്കാനാവാത്ത ഒരു പാട് കള്ളങ്ങള് കൂടി കുട്ടായി പറഞ്ഞു നോക്കി .
പപ്പയുടെ ഒരു കയ്യും അതില് ഇരുന്ന വടിയും വായുവില് പൊങ്ങി. മറ്റേ കയ്യി കുട്ടായിയുടെ നിക്കറില് പിടിച്ചു പൊക്കി തുട അടി കൊള്ളാന് പാകത്തിന് ഒരുക്കി.. വെറും രണ്ടു സെക്കന്റ് കൊണ്ടു വടി പൊങ്ങി താന് വായുവില് ഒരു ശബ്ദത്തോടെ തുടയില് പതിച്ചു .. ഇത്തവണ ആത്മ വിശ്വാസവും മറ്റു പലതും ചോര്ന്നു പൊയ്,, കുട്ടായി സത്യം പറഞ്ഞു .. "ഞാന് കട്ടത ,, ടോമിന്റെ കയ്യീന് കട്ടത " ആദ്യത്തെ അടിയില് തന്നെ കുട്ടായി കരഞ്ഞു ..
കുറ്റബോധം ആണോ അടിയുടെ വേദന ആണോ എങ്ങലായി കുട്ടയില് വിങ്ങി പൊട്ടി. തന്റെ മകന് കട്ടതില് ദേഷ്യം പൂണ്ടു കുട്ടായിയുടെ പപ്പാ വീണ്ടും അടിക്കാന് വടി ഓങ്ങി.. എന്തോ പെട്ടെന്ന് ആരോ പിടിച്ചു നിര്ത്തിയത് പോലെ പപ്പാ ഓങ്ങിയ കൈ പതിയെ താഴ്ത്തി വടി എടുത്തു ഒരേറു കൊടുത്തു.. എന്നിട്ട് കുട്ടയിയോടു പറഞ്ഞു. "പൊയ് ഷര്ട്ട് ഇട്ടോണ്ട് വാ, നിന്റെ ഞൊട്ടയും എടുക്കു......... ഞാനും വരം നിന്റെ കൂടെ .. നമ്മുക്ക് ടോമിന്റെ വീട്ടില് പോകാം" ആ വടി കൊണ്ടു ഒരു അടിയും കൂടി കിട്ടിയിരുന്നെങ്കില് കുട്ടായി ഇത്ര അധികം സങ്കട പെടില്ലയിരുന്നു .. ടോമിന്റെ വീട്ടില്, അവരുടെ നേതാവ്,, എല്ലാവരുടേം ഇടയില് നല്ല പിള്ള...... കള്ളനായി ..... അപമാനിതനായി ഇതാ നനഞ്ഞ നിക്കറും ആയി വന്നു നില്ക്കുന്നു കുട്ടായിക്ക് പപ്പയുടെ കൈ വിദീച്ചു എന്നെന്നേക്കും ആയി ആരും കാണാത്ത എങ്ങോട്ടെങ്കിലും ഓടി രക്ഷ പെട്ടാലോ എന്ന് തോന്നി .. എന്തോ ഒന്നിനും ശക്തി ഇല്ല.
കുട്ടായി ടോമിന് ഞൊട്ട തിരിച്ചു കൊടുത്തു .. തികച്ചും ഒരു കള്ളനായി .. ഒരു മോഷ്ടാവായി.. അപമാനിതനായി .. ടോമിന്റെ മുന്പില് നികുമ്പോള് നനഞ്ഞ നിക്കര് ടോം കാണാതെ കുട്ടായി പ്രത്യേകം ശ്രദ്ദിച്ചു..
ഒടുക്കം ഉറച്ച ഒരു തീരുമാനവും .. "നാളെ മുതല് സ്കൂളില് പോകുന്നില്ല " അല്ലെങ്കില് തന്നെ പാരതന്ത്രത്തിന്റെ നടുവില് കിടക്കുന്ന കുട്ടായിയുടെ തീരുമാനഗല്ക് എന്ത് വില ..
ഇനി വായന്കാരോട് രണ്ടു വാക് ..
1 . നിര്ഭാഗ്യ വശാല് ആ കുട്ടായി ഞാന് തന്നെ ആയിരുന്നു
2 . അന്ന് പപ്പാ അങ്ങനെ ചെയ്തില്ലായിരുന്നു എങ്കില് ഇന്ന് ഈ കുട്ടായി ഒരു കോടിപതി ആയേനെ . അല്ലെങ്കില് നാട് ഭരിക്കുന്ന ഒരു മന്ത്രി എങ്കിലും ആയേനെ ..
No comments:
Post a Comment